نجماية ايه؟
نجماية ده مش بس اسم بلوج جديد فكرنا نعمله..ده هيبقى اسم حاجات تانية كتير قوي مرتبطة بموضوع البلوج ده...نجماية ده مجتمع..ان نفسنا يبقى مجتع ..ملىء بحاجة كلنا في امس الحاجة ليها..ملىء بالامل...والجواب باين من عنوانه طبعا..لما النجوم بتنورلنا طريقنا..يبقى تفتكر ..نجماية ممكن تعمل ايه في ناسها؟!!
نجماية ليه؟
عشان احنا مش بس وصلنا لمرحلة من الاحباط والياس وعدم الرغبة في أي حاجة وبالذات على ارض البلدي..لا دا احنا عدينا بياسنا بحور..بقينا مستعدين نعمل أي حاجة تتطلعنا من الحالة دي..حتى لو غلط...حتى لو في اخر الدنيا...من هنا فكرنا في نجماية...ليه منعملش حالة تقتل كل الياس ده..او حتى تكتفة...او يا سلام لو تحولة لطاقة
يتولد بيها الاختراع العجيب ده ..اللي اسمه امل
نجماية ازاي؟
عارف انك عمال تقول دلوقتي..امل ايه اللي هايجي من مدونة ده..واحباط ايه اللي هنقتله بكم واحد هما اصلا محبطين؟؟ومين بقى اللي قالك اننا بلوج بس...ومين اللي قالك اننا هنبقى كام واحد..نجماية ده حلم..والحلم ده زي الاختراع..بيبدا بكم واحد..لكن اول ما يشوف النور..ممكن تقوم عليه حضارة كاملة..بداية البداية هتكون في المدونة...لكن مشاهد الحلم ده كتيرة...يعني باي طريقة ممكنة..وهنكلمكم عنها طبعا عشان تفهموا فكرتنا
اولا لو فكرت كده هتلاقي اللي عاملك الاحباط ده..وربما الياس كمان..حاجات كتير قوي..هنقلكم عنها امثلة بس المرة دي ونتكلم عنها بالتفصيل الممل المرات اللي جاية
*الياس مثلا ممكن يجي من انك مبتعملس حاجة..او انك بتعمل حاجة بس مبتحبهاش..ومفروضه عليك..او انك بتعمل حاجات كتير وطاحونة الحياة واخداك مش لاقي وقت لحاجات تانية
طب ويا فالحين هتحلو المشاكل دي ازاي؟
احنا لا هنحل ولا هنربط يا عم..احنا كلنا مع بعض هنتناقش في كيفية التعامل مع المشاكل دي...يعني لو انت مش لاقي حاجة تعملها والفلااغ هو سبب احباطك..هتلاقي في مجتمع مجماية انشطة في كلا المجالات..الادبية والدينية والعلمية والتاريخية..هتلاقيها في هيئة روابط..او مقالات...او كتب..او عناوين...وممكن جدا لو مجتمع نجماية بقى مجتمع فعلا هتلاقيها في ناس هتشوفهم وهيشوفك..من مختلف الاعمار والفئات...ده غير الحاجات اللي هتتطلب منك تعملها لنجماية...مش انت فضي..طب تعالى بقى استلم...
متخفش بهزر يا عم
طب ولو انا بعمل حاجة مبحبهاش...؟...وريني نفسك
بص يا عمنا...مفيش حاجة في الدنيا كلها وحشة..اكيد ليها اوجه جمال بطريقى او باخرى...احنا بقى مع بعض هنكتشف سر جمالها..وبعدين افرض انها ضلمت واننا ملقناش..الدنيا هتقف يعني؟
خالص..ممكن بقى نرتب مع بعض وقتنا ونعمل الحاجتين سوا..اللي انت مش طايقه..واللي انت بتعشقه...افرض انك عالم فيزياء وبتحب تلعب جيتار او بتكتب شعر..."قال يعني بقى عالم الفيزياء فاضي للكلام الفارغ ده"
وهتعمل ايه ساعتها يا فيلسوف زمانك؟
نجماية هبكون دليلك في انك تتطور نفسك في الموهبة دي..ودليلك للاماكن اللي تعلمك..والاماكن الل بتتم فيها الانشطة اللي انت بتحبها دي..وهكذااا
نجماية مين؟
نجماية لحد دلوقتي مجموعة شباب بلوجراوية..نفسهم الناس كلها تبقى سعدا..ونفسهم يشوفوا البلد دي احسن بلد..وحلمهم اني نجماية..تبقى النجماية اللي هتنور حياتنا....
وف نفس الوقت نجماية دي شخصية بلوجراية....من وحي خيالنا...هي اللي هتساعدنا كلنا على اننا نوصل للطريق اللي اشتقناله..طريق الامل
نعرفكوا بنجماية أهيه صورتها منورة على اليمين
نجماية فين؟
نجماية موجودة على البلوج اللي عنوانه
2-hebaz http://hebazzz.blogspot.com
و مستنيين نزيد بمشاركتكم و أفكاركم :)
8 comments:
دعوة عامه لكل المدونين المصريين لحضور اللقاء الثالث الذى تحدد موعده من قبل المشرفين عليه والمؤسيسن له
وذلك يوم
الجمعه الموافق 9/3/2007
بدار الاوبرا المصريه
كوفى شوب الابداع
بجوار دار الابداع بداخل الاوبرا
والدخول للمكان من البوابه الخلفيه للاوبرا امام النادى الاهلى
والحضور بالملابس الشتوية
واوجه الدعوة خاصة الى الاخوات المدونات
لحضور اللقاء لان لحضورهم دور فعال فى نجاح تلك اللقاءات
Maqbroook ya Ma7ammad 3al blog algedeed :)
w watin 4 the next posts 4 u and hebaz :)
السلام عليكم
انا عندي فكرة اسحن
لما لا تنضموا الي انا وأصدقائي هناك....
خلف التلال
وسوف تجدون هناك النجوم....والقمر
وكل ما تحبونه
لا يأس...ولا أحباط
ولا فشل
فقط هناك...خلف التلال
Mony The Angel
Allah yebarik fiki
wait for us soon inshaa Allah
we kaman if u have ideas and would like to join , you are most welcomed:)
الراقص مع الذئاب
leeh mat7awelsh tendamilna we newagih mogtama3na be afkarna el 7elwa we kaman newagih kol ya2s we 2i7bat we 2ikti2ab we nisa3d ba3d bedal manehrab be3eed
fakar we 2olina ra2yak :)
مبروك البلوج الجديد
:)
مبرووووووووووك
متأخر جدا جدا بس انا بقا مستنيه ان شاء الله البوستات التانيه
اهم حاجه اني دخلت ولسه احنا في الاول
رمضان كريم
ملك المصرية
Post a Comment